【油淺入深】7個原因話你知 點解湊BB必備橄欖油

1.烹調BB食品

呢點擺明就係人都估到架啦，但要注意嘅係最好等BB六個月大之後用嚟烹調一d副食品就最為理想。橄欖油有助大腦發育之餘仲可以預防高血壓同動脈硬化！姐係點？姐係勁囉！

2.當作按摩油

爸爸成日都返上大陸按摩就知按摩有幾咁重要啦，幫BB按摩可以安撚佢地情緒，幫助消化減少脹氣，而橄欖油有豐富的維他命E和脂肪，可以令BB皮膚健康光滑！

就好似40幾歲女名星用完品牌化妝品之後所言:「好似剝殼雞蛋咁滑！」

3.治療便秘

做法好簡單，用溫熱嘅橄欖油係BB腹部打圈按摩，即刻睇下媽咪們點睇！

(以下為虛構對白)

母親A：囡囡試完覺得點啊？

母親B：啲便便好暢順囉！

母親A：咁好？咁啲便便靚唔靚呀？

母親B：靚！

母親A：真係靚？

母親B：靚！

母親A：有冇囡囡咁靚呀？

母親B：一樣咁靚！

4.治療咳嗽

呢個方法有少少複雜，「因為很重要，所以我只說一次」，將橄欖油混合3、4滴的迷迭香、桉樹和薄荷油，均勻擦在寶寶胸部和背部，可以幫助寶寶睡眠仲可以舒緩咳嗽症狀。

5.控制尿布疹

係BB都會用尿片，所以出疹問題都係廣大家長面對緊嘅難題！一覺唔好彩，自己仔女真係出疹，試下將2匙橄欖油混合乳液，塗抹係手掌後，再輕輕力咁擦拭係BB屁股同生殖器區域附近。

6.治療乳痂

乳痂呢個問題就未必個個都有，其實乳痂係BB一段時間冇洗頭，分泌物同灰塵黐埋一舊所形成。有機會令BB皮膚乾燥、脫皮，用橄欖油抹一抹就可以輕鬆消除。

7.為早產兒注射

呢點大家知下就算啦，因為你知道都唔會敢做，亦都唔建議大家做！橄欖油混合大豆油之後，會變成類似母乳嘅脂質外觀，可以透過靜脈注射成為早產兒非腸胃嘅營養。呢個方法都會用係低出生體重同餵養困難嘅BB身上。