2020-09-30, 週三

【好文彩﹗】在職媽媽遞文言文辭職信

一般員工寫辭職信,通常都係用正常嘅書信格式,簡單解釋吓點解要辭職就得。但近日就有位初為人母嘅員工想辭職,佢遞果封辭職信竟然用文言文寫的。

 【親子趣聞】在職媽媽遞文言文辭職信

辭職信內容大概指屋企BB仲細,自己返工時都十分掛心,所以決定暫時辭職(另一睇法是停薪留職),等自己可以有多啲時間照顧啱啱出世嘅BB,盡下做媽媽的責任。

呢份辭職信用字深奧,裡面好詳盡咁記載住自己對初生幼兒嘅不捨之情﹗不過,上司當然睇唔明封信講咩啦﹗於是,有人便將此信放上網求翻譯,及後引來大批網友關注,有網民笑稱:「佢上司使唔使查字典先明?」;也有位對文學有研究嘅網友就話,封辭職信係抄自魏晉時期李密的《陳情表》,指其行文未盡完善。

不過,無論封辭職信寫成點寫都好,果位媽媽愛子之心依然令人尊敬! 

部分網友留言:

「完全睇唔到佢寫咩」

「經理會話,篇嘢冇寫部門,冇寫辭職日期,唔知點批准你,攞返去寫過。」

「可惜人事部回覆,本公司有規定使用英語作為內部文件的語言,閣下請用英語提交辭職信」

「字真係潦,但手字真係寫得幾好,雖然封信擺明玩嘢,但點都睇得出寫信係有啲文化素養」