【BB展戰利品】贈品、抵買品全面睇

【bb展戰利品】贈品、抵買品全面睇

抵買貨品一覽:

今次小編就買了孕期產後不同階段的產品,全部都比平時街買平好多,好似孕期產品「樂活枕」就以六折發售,原價$399,折後只售$239,比起平日在百貨公司特價還要抵。而NUK蒸氣奶煲亦是抵買項目之一,原價$780蚊展場特價只需$380就買得到,此款更是德國製造,相當有保證。

至於韓國Sinbii Hipseat揹帶2.0版亦由原價$1,690減至$1,088(首50位,其後售$1,188);1.0版就更便宜只需$788(首30位)就可以買到。雖然同事H話有團購的話有機會$800-900就買到2.0版,但有齊所有顏色,又可以即場取走,也算十分抵買。

另外,幼兒玩具如圖中的搖控及車匙,亦售價將近5折發售,只需幾十蚊就買到,小朋友就最喜歡。而外貎非常美觀的嬰兒用品品牌suavinēx的奶咀及配件,則以優惠價發售;玩具清潔劑特價$41就有一支;有機意粉$16就有一包,而BB果蓉亦只售$5;韓國粟米餐具7折發售,圖中砧板折後約$70,可以用來專切小朋友的食物。

贈品逐件睇:

【bb展戰利品】贈品、抵買品全面睇

大部禮品都是用Coupon加奉上個人資料即可拎走,小部分是購物的贈品或是加錢換購。

【bb展戰利品】贈品、抵買品全面睇

更多免費贈品,可參考小編的媽媽朋友之戰利品曬冷圖。

【bb展戰利品】贈品、抵買品全面睇

玩具車是join NOW服務計劃免費送的禮品,好強勁。

【bb展戰利品】贈品、抵買品全面睇

美素佳兒送贈的「Rice Magic自家牛牛用餐套裝」及美贊臣送的口水肩都好靚。而牛欄牌免費送贈的Minimoto全綿吸水大浴巾及惠氏S-26入會禮物NUK雙格碗連湯匙套裝就超實用。

【bb展戰利品】贈品、抵買品全面睇

以上是媽媽群組流傳的一幅超實用免費贈品地圖,準備到場媽媽們入場前必睇!

至於排隊換禮品攻略,即睇以下Tips啦!

Aptamil
攤位:A14
憑Coupon去Aptamil A14排隊登場即送VTECH Baby Tablet學習機一部,是今次BB展主打禮品,但因禮品極吸引,現場超多媽媽排隊,閒閒地排隊個半小時或以上。另因主辦單位首天安排混亂,現場有部分媽媽排了2小時原來排錯隊,極無奈!
Tips:建議早上立即排隊換。
抵排隊度:*****

牛欄牌
攤位:A15
網上預先登記資料會有快證不用排隊換禮品,禮品是免費送贈的Minimoto全綿吸水大浴巾,質地超好。
Tips:即使要現場排隊亦值得。
抵排隊度:*****

美素佳兒Friso
攤位︰A07
網上登記或現場即時登記會送贈的「Rice Magic自家牛牛用餐套裝」;登記聽講座會有牛牛Cushion被,每日設有多個時段講座,先到先得;玩遊戲送牛牛杯。
Tips:留意若是懷孕媽媽可不用排隊,直接快取牛牛餐具。
抵排隊度:****

美贊臣
攤位︰A06
登記入會即送限量版natures purest「天然彩棉」口水肩極靚,另有換片墊、紗巾及食物盒。首天現場設有快隊,不用Coupon排隊讓工作人員拍照並登記電話及電郵即可免費獲贈實用食物剪刀。
Tips:現場設有多條隊伍換不同的禮品,建議問清楚先排。
抵排隊度:***

惠氏
攤位︰A09
惠氏媽媽會登記入會再加Coupon即送8粒裝DHA。惠氏S26網上登記或即場Coupon排隊即送NUK食物盒。另排隊玩遊戲送牛牛飯兜,30秒內完成遊戲另送一年JOOX VIP服務。
Tips:拿取NUK食物盒後記得拎遊戲券再排隊玩遊戲。
抵排隊度:****

田叔叔英語閱讀計劃2023-24
田叔叔英語閱讀計劃2023-24
 親子最關注
香港優質教育機構巡禮 2024