【新年輕鬆大掃除】必學!4種簡易天然「清潔劑」製作方法

20170115 8325 B01

 

其實除咗去超市買標榜住天然嘅現成產品之外,其實用廚房入面嘅食用材料,都可以幫你快速潔污㗎!

玻璃清潔劑

將20g蘇打,加入80g水中,倒入瓶裝容器中即可。

使用方法:用抹布沾取適量蘇打水,擦拭玻璃後再將抹布沾清水,擦掉玻璃上殘留嘅多餘蘇打水白色粉末,連帶清除乾淨灰塵污垢即可。

 

鏡面清潔噴霧

將20g白醋加入80g水,倒入瓶裝容器即可。

使用方法:用一條乾抹布,沾取適量鏡面清潔液,即刻就可以抹鏡。

 

電器洗潔粉

250g蘇打粉及50g乾燥茶葉放入磨豆機中,研磨成細粉狀,再將粉裝罐即可。

使用方法:牙刷沾濕,再用佢沾取適量電器洗潔粉,刷落髒污處,最後再用微濕嘅廚房紙巾局部擦拭乾淨即可。如果擔心有啲家電唔掂得水,用化學成分嘅清潔劑又怕污染食物,咁呢個方法就啱哂你啦!

 

電器除味劑

20g茶葉沖入熱水,滲出深色的茶湯後,隔走茶葉渣,再將茶湯倒入容器(唔要嘅隔夜茶都得㗎),之後再混入50g 酒精即可。

使用方法:將抹布沾些除味劑,即可擦拭電器,同時又有消毒之效。茶葉水可以除臭、酒精可以幫助快速揮發,利用呢2樣特性,就可以輕鬆清除家電異味。

田叔叔英語閱讀計劃2023-24
田叔叔英語閱讀計劃2023-24
 親子最關注
香港優質教育機構巡禮 2024