【網絡熱話】新手爸爸斥公院唔補奶 「唔死都影響發育啦」
【網絡熱話】新手爸爸斥公院唔補奶 「唔死都影響發育啦」

作為新手爸媽本應滿懷喜悅,但有新手爸爸就發文,不滿公立醫院護士在太太未上奶的情況下,依然叫太太餵BB,餓親BB。

 

這名新手爸爸在「2020 - 2022年媽媽會」群組發文:

 

唔好理醫院叫妳餵母乳!唔好理醫院叫妳餵母乳!唔好理醫院叫妳餵母乳!

你堅持奶粉,自己試下餵母乳!如果唔係妳BB唔夠食 佢都唔會即刻比妳補奶粉,會不停咁有人游說妳堅持全人奶,未上奶妳點堅持呀?最少三日等到BB開始有問題先話比妳補下奶粉,好似恩賜咁!佢自己都知道最理想最快要4日先開始上奶啦!咁頭三日你d人點解要堅持游說媽媽全人奶呀?係咪醫院有kpi要計架?

好多媽媽都因為依三日怕左餵人奶,出左院直接餵奶粉。咁好咩?

只係為左完成醫院指示而做,咁好咩?

邊個唔個餵人奶好?個個都得奶粉早就執咗啦。

人唔食野7日就會死,唔飲水3日就會死!

依家BB水份同食物都係得奶,三日,唔死都影響發育啦!

 

他補充「疫情下有經驗親人探唔到,新手媽媽冇經驗,比人游說到,又未識睇BB夠唔夠,又唔敢反駁。」

 

帖文一出,獲逾千個討論。有媽媽留言形容自己「身受其害」:

「深深認同,好似乞衣哀求奶粉。」

 「我當初就係咁搞到日日喊,覺得自己冇奶俾BB好冇用,勁抑鬱。」

「我直頭係兩邊乳頭都出晒血,用手按左好耐先有一兩滴,我係出左院第二日先上奶,總之仲痛過生仔。」

「生第一胎嘅時候,係都要我一定要餵母乳。我同佢講話根本冇,佢話餵下餵下就會有。結果搞到我個女夾硬兩日冇食過嘢。」

「政府鼓勵人餵人奶,但態度同配套完全係相反,好似餵唔飽呀B係你錯,係你唔好,但每個姑娘行埋黎都唔同教法,一個叫你每次要餵曬兩邊,一個叫你今次餵左邊,下次餵右邊,第一次生完就算做足功課,真係唔熟架嘛,虛心請教d姑娘,佢地既態度係責備左先:你做左人呀媽甘都唔識!? 最後呀b又係唔比補奶粉,出院後因為黃疸要再次入院。」

「果時住屯門醫院d呀姐護士真係煩到嘔,每日24小時每隔個半鐘就有條友入黎問你餵左人奶未?又話你餵得少餵得唔夠耐,真係比佢地折磨到人都癲,BB肚餓喊到死死都唔比奶粉你,生完住院果兩日想訓個好覺都唔得,呢幾日真係人生最地獄嘅幾日。」

「喺醫院果段時間就係因為太大壓力,喊左無數次。本身已經因為開刀,傷口痛到嘔,仲要未上奶,仲係到逼。……我夠知人奶好啦,冇就冇,逼我有咩用,咁樣反而令到產婦更加有壓力、情緒更低落,如果有產後抑鬱同佢哋一定有關。」

「BB唔夠奶食,自然屙得唔多,姑娘又會走埋嚟話你餵得唔夠,又開始疲勞轟炸你。」

 

亦有媽媽為公院「平反」:

「其實真係要半個鐘俾bb吸啜先會快上奶,姑娘冇教錯。」

「人奶好處確實多過奶粉,叫你地為人奶都係為你地好,奶粉永遠做唔到母乳有嘅抗體,又慳奶粉錢,BB學識埋身出街一條巾就搞掂,飲奶粉仲要帶呢樣帶嗰樣…… 初生BB個胃真係好細,加上頭幾日有儲備,一開始唔食真係冇問題……有邊個生完唔辛苦?有邊個新手媽媽同新手BB一嚟就識餵奶同食奶?個個都要學㗎啦,講到尾喺度喊咪又係自己唔夠堅持,冇人逼你餵。」

「其實只要你堅持唔餵人奶,醫院一定會補奶粉俾你,最緊要你知自己想點~~~如果你態度你俾人講兩句又餵返人奶,以宜家嘅醫院政策,佢一定係會不停教你點餵先~~~所以最緊要你知自己想點~~~」

 【網絡熱話】新手爸爸斥公院唔補奶 「唔死都影響發育啦」

有其他在公立醫院的媽媽認為醫院護理態度理想:

「東區係非常好,人手充足,姑娘友善,又有母乳姑娘指導,仲教埋你做產後運動,成個住院過程都好滿意。」

「我係新手媽媽,生完第一日唔識有搵護士幫忙,佢哋有教我點餵母乳,都驚bb食得唔好,返通宵更嘅護士都有用心教我好耐,佢哋教我BB一出世其實唔需要好多,不過我明白父母一定擔心BB黃疸,我都有,而護士都有問我想唔想補水奶,最後出院之後有母乳顧問跟進。」

 

餵人奶之路不易走,媽媽如要「奶路亨通」就要堅持和放棄休息。唔知各位在公院生產的媽媽,餵人奶情況又是如何呢?

文章內文頁右側廣告二(2)
  • 【打破誤解】STEM教育大趨勢 幾歲啱學coding?
    STEM教育是學界新潮流,有些小學生年紀小小就已經懂coding(編程),有很多家長不了解編程教育,例如以為編程教育是打機?編程教育會令人沉迷?有教育科技公司就指,幼兒已有能力學習編程。
    11 day ago
  • 【親子活動】「地壺球」冇冰都玩到!與你認識香港原創運動
    你有看過冬季奧運的冰壺運動員在比賽時的英姿嗎?其實你也可以!「地壺球」正正由冰壺演變而成,而為「地壺球」正名的是香港人李石椿先生。李先生決心將地壺球發展成一項運動,也希望更多人認識這項香港原創運動。 李石椿先生在2017年將 Floor Curling二字合併為 FloorCurling一字,成為體育專用名詞,即如 Football, Basketball...
    28 day ago
  • 【學好中文】小學中文科40篇古文 七步詩、朱子家訓上榜
    中華文化和中國文學博大精深,教育局日前選出93篇文言經典作品(「建議篇章」),分4個階段供中小學生學習,2021/22學年開始適用,將成為中文科校內評估的材料之一,當中不少是耳熟能詳,如曹植〈七步詩〉、孟浩然〈春曉〉、柳宗元〈江雪〉等等。家長不妨考慮在親子共讀時間多講古詩和作者故事,正如「熟讀《唐詩三百首》,不會吟詩也會偷」。 小學階段「建議篇章」皆...
    1 month ago
  • 【消委會測試】兒童小食提子乾偽健康 參考6款獲評5星果乾
    水果加工製成的水果乾,感覺較天然,而且吃起來又方便,家長視之為小朋友健康零食。消委會最新研究測試了市面上6類共31款預先包裝水果乾,發現全部樣本均屬「高糖」食物,小朋友隨時攝入過量糖分,增加健康風險!家長可為小朋友選擇評分獲5星的水果乾。   消委會最新測試6類水果乾(杏脯、藍莓、小紅莓、芒果、提子、士多啤梨)平均糖分,以每100克計算,提子乾的糖含...
    1 month ago
  • 【醫學突破】驗大便可識別自閉兒童 及早斷症治療效果更好
    腸道微生態有「第二大腦」稱號,人體的腸道與腦部有密切關聯,香港中文大學醫學院全球首次發現,自閉症兒童的腸道微生態發展較同齡兒童遲緩,腸道細菌種類及數量均較少,但與飲食習慣無關。此項突破發現有助早期診斷及治療自閉症,有望減少轉介至接受治療時間。   為進一步了解腸道微生態如何與自閉症患者的神經系統運作相關,中大醫學院研究團隊把自閉症兒童跟一般兒童的糞便...
    1 month ago
  • 【親子活動】兒童都可做救援伙伴 玩遊戲培養同理心
    家長打開電視機看新聞,總會留意到世界上不同角落正受天災、戰爭、疫症困擾,家長可藉此教孩子關懷世界上有需要的人。國際醫療人道救援組織無國界醫生推出「小小救援伙伴」計劃,讓小朋友通過角色扮演人道救援行動中的各種職位,體驗他們的工作,家長可從中輕鬆教導小朋友愛心、善心、同理心,以及培養他們國際視野。 立即了解更多:https://bit.ly/3xdlo8t...
    1 month ago
文章內文頁右側廣告二(2)
 親子最關注
文章內文頁右側廣告二(2)
文章內文頁右側廣告三(1)
親子地壺球標語創作比賽