2020-09-29, 週二

【分獎典禮】劉小華媽媽致謝

昨晚全城睇得慶高采列的《毛記電視第一屆十大勁曲金曲分獎典禮》,每個環節都教人拍爛手掌。

【分獎典禮】劉小華媽媽致謝

圖片:柔峰facebook

全城  like 爆「繁忙兒童合唱團」其中獨唱一曲《補充練習無間做》「劉小華」,簡直教大家停不了的熱烈地彈琴熱烈地唱。

劉小華原名皓嵐,年紀輕輕的他已頗有大將之風,搶盡觀眾眼球。媽媽柔峰在fb向大家致謝。她期望「香港所有小朋友可以有快樂的童年,用自己方式認識世界,創造屬於自己的人生!」

劉媽媽致謝詞原文筆錄:

「多謝毛記電視!多謝腦細!

俾皓嵐有呢個機會成為劉小華(一晚咁多)。

好感謝大家嘅fb留言,whatsapp訊息,你地對皓嵐嘅愛,我完全收到曬!

其實今次呢個嘗試,我都係懷住忐忑的心去決定。首先我係買唔到飛嘅Loser,我一家都好鍾意毛記電視,聽到腦細搵我嘅電話真係好開心,但令一方面,而家做家長其實好多時會好無辜咁承受社會壓力,我仲要剛剛成為學校家教會主席,但最後我明呢首歌意思,亦有問過皓嵐想唔想改變香港教育模式,所以,得出結果,呢件事一定要做!

我好感動皓嵐努力完成表演,最感動係佢知道人地讚佢,要有禮貌答多謝,對每一個讚佢嘅人佢都有講,

所以我亦真心多謝咁多位網絡上,whatsapp上嘅朋友,可以令大家享受表演,其實係最重要嘅!

不過,我最希望係大家記得呢個表演,好好諗究竟可以做d咩為大家嘅下一代造就更好嘅學習環境同如何改革現今香港嘅教育模式。

祝 香港所有小朋友可以有快樂的童年,用自己方式認識世界,創造屬於自己的人生!

黎緊親子頭條將會專訪劉小華媽媽,請讀者密切留意!