2020-07-15, 週三

【高度自治】教導小朋友自我控制情緒

小朋友表達情緒都係偏向衝動直接,所以佢地一有咩不滿,好容易就會大叫,扔嘢甚至郁手郁腳!家長可以著手教育佢地用言語表達,最好就三思而後行,咁就唔會下下都大吵大鬧啦!

20170303 6233 a1

要學識Stop

養寵物前要停一停諗一諗,日常生活都係!我地成日講EQ情緒智商,就係呢到展現出嚟,家長一定要一步步引導小朋友行動之前先思考,咁將來就唔會成為一個衝動嘅成年人。

發表意見

家長可以創造機會比小朋友抒發情緒,例如每日舉行十分鐘強制性家庭會議,鼓勵小朋友講卞自己感受,有咩不滿都可以暢所欲言,除咗家長可以更了解小朋友之外,仲可以避免小朋友累積壓力,不過家長絕對唔好反駁或斥責小朋友提出嘅意見,只會得不嘗失。

代入其他角色

日常生活中家長可以培養小朋友多角度思考,即使一齊睇電視,都可以問下小朋友如果你係乜乜乜角色你會點諗!

小朋友有咗同理心、同情心,知道對方感受,自自然然唔會做出傷害其他人或者令其他人唔開心嘅行為,己所不欲,勿施於人,其實小朋友可以做得到。

榜樣和行為限制

家長作為小朋友人生中最重要的老師,要小朋友EQ好,自己先撫心自問自己有冇做個好榜樣!如果小朋友長期失控,作為家長都應該行為界線,例如點都唔可以打人等等。

圖片:網絡