2019-10-19, 週六

【咀返啖先】媽咪最想錫仔女嘅瞬間

仔女係我地嘅炸藥,但同時都係我地嘅開心果!但諗深一層其實用「開心果」嚟形容都唔係太貼切,因為小朋友比我地嘅係一種唔會隨時間而磨滅嘅開心,是幸福也。

 20170223 6164 A1

第一聲媽咪

以前從來都唔明媽咪點解咁執著一定要我叫佢媽咪!依家終於體驗到,原來比人叫媽咪嘅果種感覺係咁溫暖,果種bb對自己嘅身份認同真係令人欲仙欲死,幾聲「媽咪」就已經令我地下定決心做個盡責媽媽,威力無窮!還記得佢第一聲嗌我媽咪,我足足錫左佢十次。

主動幫手

平時叫仔女幫手做下家務雖然都唔會托我手爭,但感覺只係我命令所以先做,不過都好開心佢地肯幫手;小編唔知大家有冇試過最高境界嘅幸福,就係你自己係一旁密密做,仔女由心而發覺得你好辛苦,行過嚟捉住你衫袖:「我又要幫手!」。

有港女話住2000呎先會有高潮,計我話有仔女嘅窩心行為已經令我高潮迭起,幸福一浪接一浪啦。

第一次表演/比賽

講明先我唔係咩怪獸家長,成日逼小朋友學嘢又參加一堆比賽拎證書果類!係小朋友成長過程中,總會有獨立完成自己演出的時刻,表演又好比賽又好,係觀眾席上面嘅媽咪果一刻會好有感觸

「大個仔啦!」

無論最後仔女有冇勝出,表演流唔流暢已經唔係重點,淨係知道呢一刻,我地都以佢為榮。

偶爾的關心

唔知道大家信唔信,我覺得「心藥」嘅功能絕對可以媲美成藥。媽咪都會有唔舒服或者面色差嘅時候,仔女只要係呢個時候送上「心藥」,簡單有如一句「媽咪無事啊嘛」,這是世間上最有效又最甜的萬能藥。

圖片:網絡