2019-10-20, 週日

【媽媽心聲】唔好教人湊仔

對於其他外人嘅品頭論足相信你有時都會覺得煩躁,家家有本難念的經,其他唔知情嘅人指導我地教育,有時都會覺得唔多愉快!當然,聽下人地意見係絕對有助自己父母之路走得更順暢,但以下幾點,外人真係少評論為妙。

神聖化母乳

20170217 6114 A1

呢樣問題係近年比較嚴重,母乳的好處當然毋庸置疑,但沖奶粉並不等於對小朋友唔好。

有唔少走火入魔嘅母乳媽媽,一見到人地沖奶粉就不問因由「有乜理由唔餵母乳,好咁多」、「都唔知有冇為個小朋友盡力嘅,係咪戒下口都唔肯啊」,其實背後可能係因為體質問題所以被逼放棄,加上餵乜都好,媽咪都一樣咁愛小朋友,點解要批鬥人呢?

質疑成長速度

20170217 6114 A2

學得快,學得慢每個小朋友都唔同,只要最後學得識就無問題!千祈唔好用自己把尺去度人,「我個仔1歲未夠就識行啦」、「我個仔呢個歲數已經識自己去廁所啦,好心你教下佢啦」,講呢類型嘅說話都有唔少炫耀成份係入面,不過作為過來人,就真係好「銀」耳。

電子產品

20170217 6114 A3

有唔少家長嚴禁自己小朋友使用電子產品,但都有家長係呢方面比較開明,尤其係小朋友升小學果陣,有家長就會開始准許小朋友有限度咁使用電子產品,話曬遲早都要接觸同使用,所以每個家庭對電子產品的態度不一,唔好見到其他媽咪比小朋友用電子產品就話人。

圖片:網絡