2019-10-20, 週日

【手機禁區】每個屋企都要有﹗

今時今日的手機功能很強大,無論處理公事(覆email、WhatsApp聯絡同事)或私務(上Facebook、煲劇),唔少父母就算放工回家也是機不離手,這樣又如何要求小朋友放低手機?兒童心理學家教路,每個屋企都應該要設立手機禁區﹗

針對家長使用手機的問題,美國非營利兒福機構Common Sense Media在2016年進行了調查,在1,800個有8至18歲兒童的家庭中,發現家長每日平均有超過9小時對著屏幕(包括電腦、電視及手機),但當中不足2小時處理公事,其他7個多小時就係娛樂時間。

就係因為咁,好多專家都建議每個屋企都應該要有一個沒有手機的「禁區」。而兒童心理學家、《紐約時報》專欄作家Perri Klass就有提出以下5個禁用手機場景或時段,建議父母們要以身作則,讓小孩養成良好嘅習慣。

 

禁區1:睡覺前

好多父母都知道,睇得多電視對小朋友腦部構成刺激,尤其在睡覺之前﹗只係如今手機取代了電視的角色,所以父母應該要跟孩子們約法三章,齊齊唔好喺床上玩手機。Perri甚至建議一到瞓覺時間,大家都應該將手機放喺客廳到充電。

【親子成長】手機禁區每個屋企都要有

禁區2:食飯時

一家人食飯,唔玩手機都算係基本嘅餐桌禮儀。而且呢項禁令喺任何情況下都唔可以破壞。即係話父母都唔可以因為要收email、搵資料,而喺飯枱上用手機。因為,只要手機一出現,就肯定停不了手。

禁區3:講故事時

一邊睇書一邊睇手機,肯定讀乜都學唔到。如果想小孩養成良好嘅閱讀習慣,就一定要喺睇書時,將手機放埋一邊。另外,父母如果拎故仔書講故仔,都切忌邊講邊玩手機。

【親子成長】手機禁區每個屋企都要有

禁區4:家庭活動

同孩子外出遊玩(例如去迪士尼),應該放低手機,咁先可以盡興﹗如果去到邊都拎住手機玩,咁其實去邊到都無咩分別。所以,一家人出去玩時,最好將手機設定為飛行模式,只係用拍照功能,保證手機唔會打擾閣下的親子時間。

【親子成長】手機禁區每個屋企都要有

禁區5:車廂內

無論是揸車或搭車,跟孩子在車廂內嘅時間其實跟他們同枱食飯一樣,都是親子溝通嘅好機會。所以,如果你揸車接載,記得請小孩唔好玩手機,而係同佢傾下計;就算係一齊搭車,都可以咁做。

 

圖片來源:Flickr