2019-11-20, 週三

【防拐子佬】媽媽單獨帶小朋友外出唔使驚,只要你...

近日網上流傳香港各區都有「拐子佬」出沒消息,嚇壞一眾家長。有兩名分別為5歲及3歲小朋友的阿Yu,經常都會手推BB車,自己帶同小朋友外出。對於近日流傳的「拐子佬」出沒消息,Yu表示擔心。

身型嬌小的她認為如果真有力大如牛的「拐子佬」出現搶她的小朋友,她一定「防不勝防!」Yu稱:「平時已經常同小朋友講,出街一定要拖實媽咪,如果有陌生人同你講『媽咪叫你xxxx』都唔可以信,一定要問咗媽咪先。」但同時亦直言若真有「拐子佬」拐帶小朋友,其實好多時候都有危機。因為平時出街,好多時小朋友都會唔肯「拖實」要自己行!呢個情況好普遍,只要小朋友同自己有一段距離,家長一不留神,就會令「拐子佬」有機可乘。所以平時盡量都唔會畀佢地行得太遠。另外,Yu亦自小向小朋友灌輸「危機意識」,佢地自己本身亦都會「識驚」唔會走太遠。

【親子安全】媽媽單獨帶小朋友外出唔使驚

身型嬌小的Yu媽媽,對於近期不斷傳出有「拐子佬」出沒的消息,表示非常擔心。

若媽媽單獨帶同小朋友外出,要防「拐子佬」,有幾點可以留意:

【親子安全】媽媽單獨帶小朋友外出唔使驚
(1)用揹帶,將小朋友揹在自己身體前方,攬到實一實,想搶都無從入手啦!【親子安全】媽媽單獨帶小朋友外出唔使驚
(2) 用BB車時,記得要扣好安全帶,除了可避免意外發生,也可防「拐子佬」一下抱走小朋友。【親子安全】媽媽單獨帶小朋友外出唔使驚
(3) 小朋友應無時無刻都在家長的視線範圍內,距離亦不應太遠,否則「拐子佬」真的出現抱走小朋友,想追都追唔切。

其實無論是防「拐子佬」,或是要避免不必要的意外發生,作為家長的,應時刻提高警覺性,因為保護自己的小朋友,從來都是家長的責任。