2020-11-01, 週日

【臉頰紅卜卜】BB患上嬰兒口水疹?

初生BB皮膚嬌嫩,對外界細菌抵抗力又低,好易會受傷害或感染。而BB成日流口水,令到皮膚長期過於潮濕,加上口水中所含嘅消化酵素刺激,好易令到佢哋患上口水疹。

口水疹多數會出現係臉頰、下巴、上肢等容易接觸到口水嘅位置,一但引發咗口水疹,會令到幼兒皮膚泛紅、出現細小紅疹、甩皮等情況,夏天遇汗會變得更嚴重添!遇到口水疹時,家長應該點做?

 【親子交流】BB患上嬰兒口水疹?

保持皮膚乾爽

最重要一點是保持BB皮膚乾爽,平時身邊準備多條手巾仔,為小朋友用按壓方式抹去口水,記得唔好用擦嘅方法,咁好易會擦傷小朋友幼嫩嘅皮膚。

使用清水潔膚

家長可以偶爾用清水為BB洗一吓皮膚,如果口水疹症狀輕微,家長可以一日最少一次用嬰幼兒專用嘅沐浴乳,為小朋友輕輕洗一洗乾淨。不過記得,清洗完最好為小朋友塗抹返成份溫和嘅乳液。

及早求醫治療

雖然口水疹並不罕見,但皮膚問題無處理好,好有可能對小朋友將來嘅心身健康都會有影響。其實一但患上口水疹發作時,家長最好都係帶小朋友去睇睇醫生,及早治療為好。

圖片來源:Freepr