2020-09-30, 週三

【強勢回歸】Summer小編返嚟喇!

大家好!又係我Summer啦!大家係咪好掛住我呢?我終於放完我個悠長產假強勢回歸啦!心情當然係難以平伏啦‧‧‧‧‧‧

【親子交流】summer小編返嚟喇!

點解?相信不少在職媽媽都同小編一樣,放完產假返工非常唔慣,而小編我今個星期返咗一日工之後,就已經病咗,第二日即刻請咗病假,事緣係第一日放工返屋企頭痛炸裂,痛到連仔都無力湊,想同佢玩都唔得呀,陰功!真係要講句掛死媽媽啦!

【親子交流】summer小編返嚟喇!

返一日工十個八個鐘,相信各位媽媽都會掛住仔女,小編亦不例外,早兩日放工返到去一見到個仔,就當然走去抱抱同佢玩,點知一抱起佢,佢眼尾都唔望下我,仲越叫佢越擰開,估計小寶寶是嬲媽媽不見了一整天,覺得我走咗去唔理佢所致,嗰下真係好傷心。

好彩最終同佢玩了一會,佢就睬返我,肯同我笑及同我玩,以為咁就無事啦‧‧‧‧‧‧點知第二日放工返到去,佢又再一次施展同樣攻勢,真係喊出嚟!

唔知會唔會日日放工都係咁呢?(CRY)各位在職媽媽有冇試過有同樣嘅經歷呢?又或者會唔會有嘢想同Summer分享/或想我同你哋分享都可以留言畀我!