【母乳餵哺】參加工作坊有助知得更多

【親子交流】參加工作坊有助知得更多

母乳工作坊都是在健康院舉行,小編的一班媽媽朋友就話呢啲班好難報,佢哋之前就無成功報過,咁我相信自己算幾好彩。工作坊舉行當日,小編一早到場,等了一會就可以進「示範室」安坐,入到去見到坐位上已經有一個「假BB」及模擬乳房準備好,各位準媽媽都小心將「BB」安放於自己大腿上,為待會的活動做好準備。

【親子交流】參加工作坊有助知得更多

【親子交流】參加工作坊有助知得更多

工作坊由健康院姑娘主講,過程會講解母乳的好處、餵母乳的方法、何時餵母乳等基礎知識,亦有短片播放,讓準媽媽有更多餵哺母乳的知識。

【親子交流】參加工作坊有助知得更多

而重頭戲就是在教餵母乳姿勢的時候,因為姑娘會讓各位利用「假BB」來進行練習,亦會教到餵哺技巧、擠奶方法、掃風等實用知識,小編個人就覺得比起齋聽學得更多,更加深餵奶的信心。

有些知識更是沒有聽工作坊不知道的(可能是小編沒有看清楚健康院派發的書本),好似如果唔埋身餵BB,最好可以用小杯或小匙來餵奶,因為用奶樽的話有機會會減低BB再埋身食奶的興趣;初初一個月以手擠奶,比起用奶泵好。

【親子交流】參加工作坊有助知得更多

所以小編提提各位準媽媽,如果有機會記得報相關的工作坊,雖然相同的知識可能在網上或書本都有,但有機會親耳聽、親身試,相對齋睇更有記憶,會有更深刻的印象呀!有興趣嘅記得向所屬醫院或健康院查詢。

想知更多有關母乳餵哺嘅資訊,可以去呢啲網址睇下:

http://www.fhs.gov.hk/tc_chi/health_info/faq/breastfeeding/

http://www.fhs.gov.hk/tc_chi/breastfeeding/

http://www.breastfeeding.org.hk/faq 

田叔叔英語閱讀計劃2023-24
田叔叔英語閱讀計劃2023-24
 親子最關注
香港優質教育機構巡禮 2024