2019-11-17, 週日

【情人節甜蜜驚喜】自製邪惡朱古力粒雪糕

日本便利店經常都有獨家又平又正嘅雪糕甜品,無奈只有日本本土限定,身在香港嘅我哋除非親身飛過去日本,否則只可以得個睇字!

就好似日本便利店最近又出咗新產品「生朱古力配朱古力雪糕」,濃郁嘅朱古力上面竟然放滿一粒粒幼滑嘅生朱古力!Dry睇都已經覺得極邪惡,超想食呀喂!

【親子飲食】自製邪惡朱古力粒雪糕

一打開個蓋,就見到一粒粒幼生朱古力粒,就算睇都覺得幼滑呀!

【親子飲食】自製邪惡朱古力粒雪糕

鋪上朱古力粉嘅生朱古力粒,好似好高級咁!

【親子飲食】自製邪惡朱古力粒雪糕

配埋生朱古力配埋香濃嘅朱古力雪糕一齊食,成件事太美妙!

圖片:互聯網

咁身在香港嘅我哋可以點?無嘢架!食唔到日本版果個咪自製囉,等我即刻教你整番個「馬穎版」朱古力粒雪糕啦!

【親子飲食】自製邪惡朱古力粒雪糕

材料:

便利店樂天朱古力雪糕一杯(好味版$20)

便利店雀巢朱古力雪糕一杯(平價版$8)

明治朱古力幾粒($26一盒)

朱古力粉適量(MILO粉都得)

【親子飲食】自製邪惡朱古力粒雪糕

做法:先將朱古力切細粒再放上朱古力雪糕面,然後灑上朱古力粉!完成!(製作Tips:無,因為零難度!)

【親子飲食】自製邪惡朱古力粒雪糕

覺得我好低能?不如睇下個成品先啦,係咪同日本便利店果款好似樣呀?味道都好好呀我覺得!

今個情人節唔想隨便買盒朱古力送禮,就試下整呢個啦,又簡單又好味,而且都叫做花過心思整呀(都要自己搣朱古力放入去、又要灑粉呢),都可以稱得上係「愛心雪糕」呀!哇哈哈!