2020-10-25, 週日

【皇帝唔急太監急】英國BB車內受困笑騎騎

小朋友百厭嗰陣時又真係令人好頭痛,同佢講道理又聽唔明,一個轉身無睇實佢就可能會出事,但見佢笑得一臉無辜咁可愛,又真係咩怒氣都會全消嘅﹗

日前,英國就有一位2歲大嘅男仔Brandon Emery,一個唔小心就鎖咗自己喺私家車裡面,要等消防員叔叔嚟開門救佢。雖然嚇死媽媽,但呢位小朋友就一啲都未驚過,仲主動爬去司機位望住消防員叔叔騎騎咁笑,搞到班叔叔心都軟埋呀!

【親子趣聞】英國bb車內受困笑騎騎 

事源當日,媽媽Kirsty Green就帶住仔仔Brandon啱啱係超市購物完準備回家。當Kirsty準備將啲貨物放落車尾箱時,見到Brandon不停想從手推車爬落嚟,擔心仔仔會跌親嘅Kirsty,忙亂間就將佢抱入汽車後座。誰不知一放低,Brandon就誤觸鎖車制,將自己反鎖咗係車內,而Kirsty嘅車鑰匙又漏埋係車尾箱內…媽媽睇住被困車內嘅仔仔,又擔心又緊張,只好即刻向消防求助。消防員到場後一邊逗Brandon開心,一邊打爛車門玻璃,希望唔好嚇親小朋友,點知Brandon一啲都唔驚,仲爬埋去司機位,兩隻手搭住呔盤,望住消防員係咁笑,真係好得意!

 

最後Brandon被順利救出,媽媽Kirsty終於可以鬆口氣啦!今次雖然好彩無事,但意外呢啲嘢真係好難預料,做家長嘅真係要小心睇實小朋友先好啦!

 

圖片來源:網絡