2020-10-25, 週日

【勵志故事】當年全球最細煙鏟現已戒煙變模範生

記得佢嘛?當年只有2歲嘅佢,可以日抽達40枝煙嘅印尼男童亞狄(Ardi Rizal),2010年時更因此,曾經登上美國《Time》十大奇聞怪事第3名添。呢位小朋友而家已經9歲啦,而且經過多年治療,且前已經脫胎換骨,更成為學校嘅模範生、萬人迷啦!

 【親子趣聞】當年全球最細煙鏟現已戒煙變模範生

亞狄11月大時,爸爸畀佢試吸咗一口煙,從此亞狄就煙不離手,成為一名「煙鏟」。事件被報導後,印尼當地衛生部門就為亞狄安排咗一種用遊戲方式戒煙嘅治療法。2013年,係亞狄5歲時,佢終於成功戒煙啦,但同時又變得暴飲暴食,體重迅速上升咗26公斤。專家就認為,亞狄嘅肥胖問題同佢曾經吸煙可能有關,於是醫生同家人又用咗3年時間為亞狄減肥,每日以蔬果為主食,努力節食,而家終於減肥成功!

目前小學4年級嘅亞狄,現時專注學業,仲經常獲得成績優異獎,做埋學校模範生,係學校人氣爆燈。所以話對於小朋友嘅成長,家長嘅協助同教育係幾咁重要!

圖片來源:網絡