2020-11-01, 週日

【難題處處有?】紐約幼兒園功課一樣難?

香港好多家長而家都推崇外國教育,認為佢嘅教育方式較為輕鬆開心。但近日就有網友上傳一張紐約一位5歲小朋友嘅幼稚園工作紙,話外國功課原來都好難喎?

呢做功課其實就唔難嘅,上面部份就係一啲寫字練習,練習吓寫英文字母,下面就有幾張圖,小朋友要對應上面所學嘅字母,寫返呢隻字母開頭、又同圖片相關嘅英文詞語。而被稱為難點嘅,係右下角呢一題,大家都話唔知應該寫咩字先岩。

 【親子趣聞】紐約幼兒功課一樣難?

張圖就引來一班網民熱烈討論,其中網民就話,其實唔可以話係功課難,只係張圖表達不清,令大家唔知佢想問咩啫。最終呢位外國小朋友寫咗Pet,雖然唔岩,因為有t而且都合理,所以老師都係隔離寫咗Ok㗎。

【親子趣聞】紐約幼兒功課一樣難? 

其實呢類功課都幾得意吖!俾小朋友估吓寫吓,唔洗死記爛背又有趣味性。而最重要係老師都曉得變通,俾小朋友明白即使唔係標準答案,但世界上每個問題,唔同睇法,都會有好多種唔同答案㗎嘛!