2020-09-30, 週三

【真可防蚊?】實試 Baleno 防蚊衫

文章索引

夏天一到,天氣一熱,又係「蚊」同「蠓」出動嘅時候。選擇合適的防蚊蠓產品比自己嘅小朋友係必須!尤其事係夏天一去公園玩,唔做防蚊措施,一定又會變成「豬手豬腳」咁返屋企,做呀媽嘅見到真係心痛死。

有次行街見到竟然有個產品叫「防蚊衫」,好得意,而家連衫都可以防蚊?趁做緊優惠,咁就即管睇下!防蚊衫有小朋友同大人款,圖案都好多可以選擇。

【真可防蚊?】實試 Baleno 防蚊衫

原價  $129,而家折扣後 $99。比錢時,店員都溫馨提示:「唔好用熱水清洗衣物,會影響效果。」記住咗店員姐姐的說話,返到屋企睇咗睇原來標籤上都有提及呢一點。洗新衫前,聞一聞,其實衫係無咩味道,然後就用凍水洗衫。

【真可防蚊?】實試 Baleno 防蚊衫

先睇下平時係點做防蚊措施先。而平時下圖見到一樣,又蚊貼又蚊怕水又蚊膏咁,咩都出動晒先至去玩咁先可以白白滑滑咁返屋企!

【真可防蚊?】實試 Baleno 防蚊衫

幾日後,大膽咁試一試呢件「防蚊衫」效果,而今次就會帶住 2 套衫去出去玩,同時試下著普通出街衫以及著住防蚊衫究竟會點,而重點係今次蚊貼、蚊怕水以及蚊膏都唔會用!