2019-08-25, 週日

【只限1天】宜家清貨 教你如何每人搶到一件筍貨

有留意開宜家家居的媽咪,應該都記得上次Megabox深宵清貨的慘痛經歷,小編上次去到門口都敗走!今次,宜家家居沙田分店再次舉行快閃優惠日,記住清倉減價只限1天,200件精選貨品低至1折,想知點搶筍貨?

【優惠資訊】宜家清貨-教你如何每人搶到一件筍貨

首先,今次的200件1折貨中,有梳化、寢室用品、燈飾及貯物傢具等,每人只限買1件,有心水或想換掉屋企件傢私的家長,當然可以一碰運氣,看看是否可以搶到正貨,但搶到正貨都要留意,因為今次的優惠貨物全部不設退換,買的時候就要Check清楚先好買。不過,小編就覺得,如果家長只是想湊湊熱閙的話,就真的要考慮清楚。

【優惠資訊】宜家清貨-教你如何每人搶到一件筍貨

若你真心想買到1折家具,就要留意細節,因為今次宜家家居都算貼心,為免再次出現上次不愉快事件,受過傷先知道要堅強的道理之下,宜家家居今次安排看似比較妥當,想買平嘢就記住先於當日上午10時30分起,於HomeSquare L1中庭排隊取得換領信,並憑換領信於當日下午3時前到宜家家居沙田分店顧客服務部付款。換領信先到先得,派完即止,真心想買的就記住早點去排隊。雖然都係要排隊,不過排隊拎信,總好過入到店內同人迫。

諗住去買平貨的家長都要留意,因為如需安排送貨及組裝費服務,需以正價收費,並於購買日起14日完成有關服務,逾期安排行政費為$150。大家或者都要及早Call家「高高」Van為妙。

家長搶貨貼士:有之前的經驗,都知道快閃減價活動,總會引來大批人士爭相到場,上次仲搞到東九龍大塞車添!所以奉勸各位父母,如果真的去搶筍貨,就記得將子女交底予家人照顧,以免帶孩子一齊去迫。

 

×