2019-11-23, 週六

【均一價$12】那些年的經典玩具

VR Game擴增實體嘅玩意日漸流行,新世代嘅小朋友都喜歡玩電子玩具。不過專家早已提醒,過早畀小朋友接觸手機、電子平板類裝置,弊多於利!

其實我哋細個淨係得啲玩具仔玩,好似「換衫洋娃娃」、「釣魚仔」、「七巧板」類小玩意都可以玩大半日,諗返都好開心呀!唔一定要買貴價玩具先代表愛錫子女嘅!

【休閒消遣】那些年的經典玩具

日前就於AEON荔枝角店地下發現大量那些年的經典玩具,無論是男孩子鍾情嘅水塑膠彈射箭玩具,或是女孩子最愛嘅變身棒、換衫公仔玩具都一應俱全!

【休閒消遣】那些年的經典玩具

會發光發聲的變身棒,超靚!

 

最吸引係,全場玩具均一價賣12蚊!

【休閒消遣】那些年的經典玩具

Barbie平極都要百幾蚊一個,呢度嘅洋娃娃一樣可以玩換衫,都係12蚊!

【休閒消遣】那些年的經典玩具

經典七巧板玩具,不過呢款好似得5塊板?!

【休閒消遣】那些年的經典玩具

呢個ECHO MIC先正!真係有回音架!唔使下下買3百幾蚊嘅唱K神器先唱到歌架嘛!12蚊一樣得!

【休閒消遣】那些年的經典玩具

適合4歲以上小朋友的益智玩具系列,都係12蚊!

【休閒消遣】那些年的經典玩具

呢個MINI畫板細細塊,方便小朋友周圍帶住畫!有幾個款同幾個顏色選擇,又係12蚊!

【休閒消遣】那些年的經典玩具

呢個射箭玩具有兩種玩法,可以彈波又可以彈出塑膠彈,好玩!

【休閒消遣】那些年的經典玩具

沖涼時最好就玩呢類釣魚玩具啦,唔怕小朋友驚水唔肯沖!

【休閒消遣】那些年的經典玩具

早排喺小朋友界好流行嘅橡皮筋手飾套裝都有得賣!

【休閒消遣】那些年的經典玩具

好動嘅小朋友可以買呢兩款JUMPLING ROPE玩跳繩!

【休閒消遣】那些年的經典玩具

識游水嘅鴨仔又係陪沖涼嘅好玩伴!

【休閒消遣】那些年的經典玩具

Bubble Shooter!郊遊必備玩意!

【休閒消遣】那些年的經典玩具

切切刀系列有多選擇,全部12蚊!

【休閒消遣】那些年的經典玩具

超經典士多吹吹膠 (唔食得!) 一包12蚊有4支!

我自己見到以前成日喺士多仔買果款1蚊一小支嘅吹波波膠都好想玩!當然,而家就梗係唔係賣1蚊支咁平啦!不過貴極都係12蚊,12蚊買到開心回憶、又可以同自己仔女一齊重溫那些年,我覺得好抵呀!

地址:AEON荔枝角店地下