還記得我們之前提過Vivienne Westwood OUTLET將於九龍灣國際展貿中心開幕嗎？日前發現此店終於正式開幕了，以為一眾潮媽又有新去處！

記者當然都唔執輸，即刻去朝聖，同讀者報告一下有乜好嘢抵買啦！不過去到現場就發覺唔多對路。

VW Outlet新店地方闊落、店面裝潢與一般VW分店無異，貨品全部整齊分類放於貨架上，都幾好行嘅。但由於人流不多，入到店舖內Sales基本上會採取「人釘人」的貼身銷售模式，想自己慢慢選購基本上唔可能。

至於大家最關心的價錢，亦有點強差人意，售價由2折至5折不等。最低折扣雖定價兩折，但選擇不多，其中最受OL歡迎的膠鞋亦只有4、5款選擇，且只有半價，折扣後都索價5百多元，唔多抵買！

VW銀包全部放在玻璃櫃內，要攞上手睇可以勞煩Sales姐姐拿出來。

VW絲襪、襪褲低至半價，款式非常Fancy！

相比上次在觀塘貿易廣場的VW開倉活動，此Outlet所售的貨品的定價就明顯不夠進取了！個人都是喜歡果種人山人海、大家亂七八糟咁搶購心儀又真抵買貨品嘅開倉多啲。所以對於呢間新開幕嘅VW Outlet，我嘅評價是：「可以唔使去！多謝！」