【網絡熱話】惡劣天氣可不讓子女上學?!家長呻:教育局射波俾我哋
【網絡熱話】惡劣天氣可不讓子女上學?!家長呻:教育局射波俾我哋

上周五(108日)3號波「獅子山」連同暴雨襲港,小朋友和家長返學放學濕晒身,十分狼狽。家長不滿天文台只睇數據,遲遲不發黑色暴雨警告,不知民間疾苦。另一個颱風「圓規」已來襲,教育局昨天發通告說明,家長可因應天氣情況自行決定子女應否回校,一眾家長大鬧局方推責任給家長,引起熱議。

 

教育局指,「局部地區的情況或與全港整體情況不同,甚至出現突發事件,須按當時情況靈活處理,以策安全。家長可因應天氣情況自行決定應否讓子女上學。假如區內天氣、道路、斜坡或交通情況惡劣,為保障其子女安全,家長便應讓子女留在家中。對於受惡劣天氣或水浸影響而遲到或由家長決定於當日缺課的學生,學校會酌情處理,有關學生不會因而受到處分。」

教育局發通告。(網頁截圖)

 

不過一眾家長對新指引感到不滿,斥責「卸膊」:

 

「家長同學校判斷到,就唔使有停課機制啦!教育局係咪離地到以為一般人可以判斷到個天氣適唔適合返學?咁如果家長覺得太凍或者太熱都可以請假?」

 

「小朋友唔返,家長要唔要返學校攞家課先,留小朋友在家,個家長去攞家課,觸犯獨留兒童在家中法例。」

 

「家長自己決定,但學校照常授課。」

 

「點自行決定呀,一陣你話返唔到但隔離屋果個又返到喎,咁即係點呀!」

 

「應該由學校去考慮該區情況去決定。」

 

「不如叫校長話事囉!」

 

「如果不是教育局宣布停課,請假校工會左問右問,老師會寫在成績表上面。」

 

「同學仔有返你冇返~要家長自己教返。」

 

「咁嘅說話都講得出,你哋嘅工作就領航員,如果個個都行唔同嘅方向會點樣呀!」

 

「自行決定?推卸責任?唔返點計先?」

 

「小朋友如遇到考試,測驗,評估,默書呢啲要計分嘅事咁點?無返學學生點計分?」

 

「教育局長應該考慮做決定,唔好等天文台話事。」

 

圖片:istockphoto

 

教育局新指引掀起一片爭議,不知局方會否了解學校意見和家長民情,再調整指引呢?

EF English Center
EF English Center
 親子最關注
EF English Center
Please Follow Parenting Headline Instagram