【甘寧老師】疑似山寨品牌大舉進佔香港

當中要數最經典嘅一定係名創優品,被指logo同品牌名都極似Uniqlo同無印良品,有曾經見過佢地實體店嘅都應該唔難發現,個布置格局,甚至裝修都同呢兩間日本品牌極為相似。

20160914 4631 a2

但遺憾嘅係好多人都唔太理會知識產權問題,見平就買,令到呢d疑似山寨品牌唔單止生存到,仲越做越大!當更多人發現抄都可以起家果陣,山寨品牌只會更多。最好笑嘅係,有時會出現抄上抄嘅情況!名創優品其實係內地已經有大量疑似兄弟,唔知遲下會唔會又咁無恥殺入嚟香港呢!

20160914 4631 a3

(疑似名創優品兄弟品牌,尚優凡品)

唔知係咪見得多呢類名,已經去到唔理間舖係唔係山寨,見到個「優」字就特別反感,聽到已經打冷震!

20160914 4631 a4

最近又有一間周六福即將殺入旺角,呢間野除左標明自己係「香港品牌」之外,更加搵嚟前香港藝人蔡少芬代言,周六福官網仲表示,呢間旺角舖將會係佢地第1721間旗艦店,雖然已經做到咁大,但有唔少人仍會質疑成功皆因品牌名令人容易聯想起周大福同六福珠寶呢兩個大牌子。

20160914 4631 a1

不過總括而言,政府唔肯做野我地都冇乜辦法,而且抄概念、抄經營模式都係難以界定嘅事,不過明眼人一睇就知佢地咩葫蘆賣咩藥。如果再任由情況惡化,將香港法治及知識產權底線一再推向低點,以後你小朋友睇嘅迪士尼電影可能唔再係「優獸大都會」,而係「瘋狂玩具城」!

20160914 4631 a5

圖片:網絡

田叔叔英語閱讀計劃2023-24
田叔叔英語閱讀計劃2023-24
 親子最關注
香港優質教育機構巡禮 2024